(ភ្នំពេញ) : អនុគណៈកម្មការស្រាវជ្រាវជំងឺកូវីដ១៩ នៅថ្ងៃទី២៧ ខែមេសា ឆ្នាំ២០២១ បានចេញប្រកាសព័ត៌មានកម្រិតហានិភ័យចំពោះទីតាំងចំនួន៣រួមមាន៖
១,បន្ទប់ពិគ្រោះ សុខភាពស្ត្រី របស់វេជ្ជ ឈុន សមសោភា ដែលមានទីតាំងស្ថិតនៅផ្ទះលេខ៤៥ ផ្លូវ២៩២ សង្កាត់អូឡាំពិក ខណ្ឌចំការមន ចាប់ពីថ្ងៃទី២៣ ខែមេសា ដលថ្ងៃទី២៦ ខែមេសា ឆ្នាំ២០២១ មូលហេតុ៖ អ្នកជំងឺកូវីដ១៩ បានទៅទទួលសេវាពិនិត្យផ្ទៃពោះនៅទីតាំងខាងលើនេះ
២,ក្រុមហ៊ុន អិមវីអិល តាដា(TADA)ដែលមានទីតាំងស្ថិតនៅផ្ទះលេខ៩៧ ផ្លូវលេខ៥៩០ សង្កាត់បឹងកក់២ ខណ្ឌទួលគោក ចាប់ពីថ្ងៃទី១៧ ខែមេសា ដលថ្ងៃទី២៤ ខែមេសា ឆ្នាំ២០២១
មូលហេតុ៖អ្នកជំងឺកូវីដ១៩ជាបុគ្គលិកធ្វើការនៅទីតាំងខាងលើនេះ ហើយបានប៉ះពាល់ផ្ទាល់ជាមួយបុគ្គលិកផ្សេងៗទៀតជាច្រើននាក់
៣,តូប លក់បបរ នៅខាងកើតផ្សារសាមគ្គី នៅថ្ងៃទី២២ ខែមេសា ឆ្នាំ២០២១ មូលហេតុ៖អ្នកជំងឺកូវីដ១៩បានទៅទិញបបរនៅទីតាំងខាងលើនេះ
អនុគណៈកម្មការស្រាវជ្រាវ និងតាមដានបុគ្គលសង្ស័យនិងណែនាំឱ្សប្រជាពលរដ្ឋដែលធ្លាប់បានទៅទីតាំងខាងលើ ដាក់ខ្លួនដាច់ដោយឡែកនិងតាមដានសុខភាពរបស់ខ្លួនរយៈពេល ១៤ថ្ងៃ តាមវិធានសុខាភិបាលរាប់ចាប់ពីថ្ងៃដែលអ្នកបានទៅទីកន្លែងនោះ នៅថ្ងៃឬក្រោយថ្ងៃអ្នកជំងឺបានទៅ។
អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ១៩ បានអំពាវនាវដល់ប្រជាពលរដ្ឋធ្លាប់ទៅទីតាំងទាំង៣នេះ ប្រសិនបើមានអាការៈមិនស្រួលខ្លួន ឬលេចចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើមសូមមេត្តាប្រញាប់ទៅធ្វើតេស្តរកមេរោគកូវីដ១៩។
ទីតាំងសម្រាប់ធ្វើតេស្ដមាននៅវិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និងមន្ទីរពេទ្យបង្អែកនៅតាមបណ្តាខេត្តនានា៕
